Waxaa ka dainbeeyey gabay isna kaas hore la mid ah oo calaacal ah. Intii uu dumidda colka ku jiray buu mariyey, wuxuuna ku tusaaleeyey sida uu u geel la’yahay, sida rag haleelo uga buuxo iyo sida uu uga xishoonayo kuwaas baryadooda iyo ku hoyashadooda. Waa gabay isugu jira guubaabo iyo beerdulucsi. Waxaad ka garanaysaa inuu rabo in ciidan loo ururiyo oo dhallinyaro la raaciyo; kuwaas ya awood u yeelan doona siduu isleeyahay inay diillin dhigaan oo geelal soo meersadaan! Wuxuu yiri :
Hindisocdayeey! xalay miyay hiribtay laabtaydu
Habeenkit la hurday miyaan hoos isula shawray
Hammi iyo hawada geel miyaan hilinka taakeeyey
Markii waagu ii halalac yiri harag miyaan qoystey
Hasha keliya soo godol miyaa hibasho ii keentay
Ma haruubka Qawl lala galaa iga higgaysiiyey
Tolkay co haleelo leh miyaa igu hor maalaayaa
Haamaha karuurka ah miyuu igu hangqaareeyey
nagga hootanuugga leh miyaa haybta la i raacshey
Ma hoyaatinkoodiyo baryaan ka hawo weynaaday
Hambaabuladan Faadumo xabbado hawl ma Kaga dhuuntay
Awel baan hafriinyo u dilaye haatan ma i heertay i heertay
Haasaawaheedii badnaa ma isku haaraamay
Haween iyo carruurtii miyaan hooy iskala seexday
Col bay hibadu ii saaran tahay aan hawadiyaaye
Haddii uan hormaro Eebbahay ima hungeeyeene
Markaan sida halyeyga u ciyaan heli sidaydiiye
Hawiyaa ku furay baa la yiri hiladi Qaaweele
Hayinka iit rara aan reer Calow hawdka sii mary e!