Nin la oran jarey Gaanni Cali Ducaale oo ka mid ahaa askartii Ingiritska, derejadiisuna ahayd saajin ayaa loo diray inuu reer Hagar gee kiis ahaan loogu yeeshay ka soo qabto. Cidihii loo soo diray intuu colkiisii ka duway ayuu geelal dad kale leeyahay weerarkii ku ballaariyey. Halkaas baa waxa lagu mooraduugay degmo aan dembi lahayn, xoolahoodiina lagu meersaday.
Gaanni markii arrintaasi dhacday kama uu aamusine gabay digasho ah 90 Caligert oo ka mid ahaa dadkii la dhacay u jeeda ayuu mariyey, isagoo wixii uu falay ku baanaya. Wukxu yiri:Cabdiyow colkii wuxuu ku dhacay Caliyo Haaruune
Isagoo cummiran baan ku furay cirifkad Laasoode
Ka cillaalay nimankuu kufrigu citraduu qabaye
Caska waaga maantuu gubnigu calan wallaynaayey
Uu labo Cigaal doonayiyo cuurka Bah Ugaara
Waataan dadkii kale ku curay cago madowdiiye
Ceeg iyo iyaba Buulalley nama cagqiibayne
Ciriddii la dhigay aabbahay Cali ma moogeyne
Haddii labada golo ciilgab iyo cayr la hoganeyso
Iyagaa curruurtoodu guran miran ciideede
Allaylehe cirna ha soo dumee Caligeraan dooray
Gaanni wuxun gabayga inoogu sheegayaa aabbihiis Cali Ducaale oo ay Daraawiishi Ceeg ku dhaawacday inuu aardoonkiis ahaa, sidaas daraaddeedna uu colka Caligeri ugu saaray. Ismaaciil Mire gabaygaas Gaanni waxa uu ka celiyey gabay gaaban oo odaynimo iyo waaya aragnimo ka muugato, ahaana:
Annagu Gaanniyow gacalka dhacan waa ka gubannaaye
Gankaa naga xanuunsada wixii gaara reer Hagure
Garka iyo wadnuhuu nagaga yaal gebiga Daaroode
Uma gabayno maantii islaan gaalku weeraro e
Adigana ninkii geed mudaa waa gu kuu da’aye
Galowkiciye maantuu lafaha ina garaacaayey
Gulgulaha hinjiinkaa markuu kaga «gig» siinaayey
Gablama yay lahaayeey markuu innagu guubaabshey
Gamaa sayrankeedii markuu gooni cararaayey
Ee maraqa goobtii ka dhacay garab ekaanaayey
Galaamadiyo eeriga markii lagu gujeynaayey
Ee goodirkii dhatay ilmada gabax ka siinaayey
Ma geyo e hilbooluhu markuu gacan togleynaayey
Ee lagu gadaannaa mar baan go'i lahaa ciile
Ninse god dheer walaalkii u qoday gelina mooyaane
War sox adiga kugu soo gotaa gabas colaadeedku
Gabaygaas Ismaaciil markii Calidhuux loo mariyey waa saluugay, wuxuuna ku sheegay gabay filicsan oo aan kii Gaani jawaab 4 nogon karin. Markaas buu mid faan iyo digasho ah Gaanni u mariyey, isagoo xusuusinaya raggii Caligerigu makalay oo ay isaga isxigeen. Wuxuu yiri:
Nin la maagay aan miro yaraan lagu malaynaynin
Maansan2 llaahay baroo macallinkeediiya
Oo gabayga sidii shiikh muftiya miinka ka higaadsha .
In madhcodho loo soo diraa waa micno la’aane
Haddiise dhiig macaan leeyahay iyo maal la kala qaado .
Raggu waa raggii Gaanniyow riday minkiinniye?
Waa raggii miskiin iyo agoon miiran kaa dhigaye
Waa raggii maqaawiirta culus mariyey Liishaane
Waa raggii mus gale kaala dhigay maganti lidoore
Waa raggii maskii Camey diliyo magaddinkiinniiye
Sidii Jaamac dalab loo mudmuday ma adan moogeyne
Magligaan ku gawracay ninkii maqashay dheeraaye
Marriinkinma waataan watiyo macawistiisiiye
Mirirkiina waa kaa ku yaal marada dhiiggiiye
Dhalintii makaawida qabtay ee wada mushaaxaysey
Maydkodu waatuu ahaa maadha oo kale e
Muusannowgu wuxuu kuu ekaa maalintii hore e
Miiq looma kala goyn raggaad magac wadaagteena
Waa ragii mareegaha u furay maalin reer Hagare .
Bal maxay macaash keentay dhaha maansadaad tirisay