Cali dhuux aaden Goroyo 

Wuxuu Gabaygan Tiriyey Sanadihii 1920-30 Xiligaas oo Ahaa mid Guud Ahaanba Somaalida isbadalo waa wayn usiday waa Xiligii Waxyar kohor Uu jabay duulkii Awooda waynaa Ee Daraawiish iyo Qabiilkii lafdhabarta u ahaa Ee dhulbahante 


Inyar kadibna Gayiga oo idil ay kuwada fideen oo Ay qabsadeen Gamayste yaashii Ay kahor joogeen Waa Xiligii ay Soohdimadda iyo Seeraha ukala Samaysteen Xoogagii Reer Yurub iyo Amxaaradii Uu mililik utalinayey Gayiga Soomaalida 


Taasi markay dhacdayna hubkii iyo Saanadii ayaa laga haqabtiray Reerihii Taageeray Ee la Saftay Gumayteyaashii Gayiga Boobka iyo Xaqdaradda oogu Soo Duulay kii kahor yimid ama Reerkoodu diidanaana madaxa ayaa lug laga Saaray 


Waa Xiligii Awoodda iyo isku dheelitirnaantii Qabiiladu ay meesha ka baxday oo kuwii loo talin jiray Gumaystuhu Taladii uu Gacanta u Galiyey kuwii Talin jirey Ee Faraska iyo leebka ku Ciil bixi jirayna Salka dhulka loogu dhuftay 


Ragii Uu Xiligaasi sida wayn usaameeyey ayuu Cali dhuux kamid ahaa inkastoo Shikhsi ahaan isagu uu Daraawiish Col la ahaa hadana wuxuu Gocanayaa kumanaan ilama adeeradii ah oo ku Hoobtay dirirtii dheerayd Ee u dhaxaysey Xoogagii Ingiriiska iyo Beeshiisa oo laf dhabar U ahayd Colkii Daraawiishta Ee Sayidku Gadh wadeenka ka ahaa Ismaaciil mirrena Taliyaha u ahaa 


Cali dhuux Aaden wuu qab jabay markii Saraakiishii ingiriisku ay beeshiisa dad wixii ay Cadaawad hore la haayeen ay u xalaaleeyeen kuna Bogaadiyeen in Hantida Beeshiisu ay dadka ka dhaxayso Qofkii Doonaana uu dhici karo  iyadoo danbi looga dhigayo Diidmadii hore iyo dirirtii dheerayd Ee Ay ku Diidanaayeen Gumagsiga 


Wuu saboolay markii kadimadii Uu dhici lahaa nin waliba uu Ku ilaashaday hub iyo Saanad laga helay gumaystaha 


Wuu murugooday markii ugu danbayn ay afadiisii  ugu garaabi waydey waxa ku dhacay Ee Ay ku Canaanatay Xeryaha madhan iyo waqtiga Cidhiidhiga ku noqday Qoyskooda in uu isagu usabab yahay isna kama Garaabine wuu ka Garadeeyey wuxuu ka duraantay gurraha ineey ka dayso isaguna uu san wax Danbi ah ku lahayn waxa dhacay hayeeshee waxay kala hortimid dhago awdan iyo laab dahaadhan markaas buu ka badin waayey inuu Gabay wax ku Fahansiiyo wuxuuna Tiriyey Gabaygan oo uu Mahiya Cali oo xaaskiisa ah kula Hadlay 



  1. Qudhumis iyo qaroorwayne iyo ilaha qaansoole

  2. Qawdhaha kabaxay tuurwareen qararo baasheeda

  3. Qaaraha madheedhkii lahaa quruxda reen wayne

  4. Qota dhagaxley qooriga hayiyo tuban qalaalkeeda


  1. Qotomkii yamaska iyo kobtaan qadow ku beeraynay

  2. Nimankii qusuusiga a haa qoran madaajane

  3. Qandaawihii kuma lisaan qamaca jiilaale

  4. Qarog Buuxa Aagaan qafilan qabaxsan maayane 


  1. Qiyaas caanaheda oo dhanan kuma quracdaane

  2. Qoldugsoon intay jiifsadaan qabay ma fuudaane

  3. Qaryad gabadha qaalida haween Lama qadeeyaane


  1. Jilbad qabaxle qool cadan kayimi  qaydar la xideeyey

  2.  intay intay qalab magaalo uxidhaan kulama qooqaane

  3. Qarashyaalihii Lama dhacaan qarada fiicnaye

  4. Qosolka iyo haasaawihii ku qarxin maayaane


  6. Dhalinyaro qabiiliya fardaha kuma qadhaabtaane

  7. Sange qaararwayn iyo darmaan qooqin mahayaane


  1. Ashkir qaayib xamar qooqan iyo qadab ma fuulaane

  2. Baroor qadanle ood midabka Aad qad iyo laas moodo

  3. Qolqol Uma Dhisaan Geed intay qum ugu waabaane

  4. Qol kujire qasaaraha Rogaal uma qalqaalaane


  1. Intay qoorta kaga weeciyaan kuma qoteeyaane

  2. Hadba qolo intay weeraraan kagama qaylshaane

  3. Waa lagu quwayn jiray bahday qaadka boolida.e

  4. Qaankiisa oo Tuman hadii la qolyo waa Geele 

  5. Qaynuun Amaanduule iyo qarad masoocdaane


  1. Naag yahay aduun iga qariban quusna waa. Ahaye 

  2. Qabbaa madaxa kaa buuxa oo waad qadhaadhahaye

  3. waxaan la qarwayaa laylka dhaxe qoomamiyo ciile


  1. Ragii aniga ila qayr ahaa qoladii reer Jaamac

  2. Qormadaad ogayd baan lashiray Amase qoorwaa te

  3. Qabiilkii ku gursaday lamadhi qoomkii reer gorade


  1. Maantana qudhayda iyo cabdo qaawan  baa hadhaye

  2. Qalbi hadii aad ledahay asaad qadan taladayda

  3. Qaydada ilaahay katimid Qaadir amarkiisa


  1. Qawlkii rasuulka iyo sharciga hays Qilaafina.e

  2. Qaatumadu yay Kaaxumaan qirada diimeede 

  3. Qaybkaagii soo laasataye qaaf ku dhigo looxa