Abwan jamac bare dagalkii xargaga
Mareegaale iyo Xaaxi iyo Gubad maraagiisa
Midhihii Shirshooroo fadhiya maarsanaw yaaheel
Malahooda niman baa is yidhi soo muquunsada’e
Sidii Caynabeey moodayeen maafigay tahaye
Maryo dhiig leh iyo baw xigay meyd la sii sido’e
Mataanaha irmaan nirgaha iyo maydabtiyo goolka
Abeerkaa muggii buuxsamay iyo rimay mahiigaana
Ba’nan dibadda meeriyo galoof midab haldhaa yeeshay
Iyo baarqabkii sidii moodhikaar mici sawaalaayey
Goortii malyuun lagala tegey muunad iyo qoodh leh
Ay kuraha meermeerayeen sida midh daanyeera
Maxamuud hadday uga dhashaan mudanka Daaroodka
Ama ay muruqyo weyn leeyihiin kama maqnaadeene
Mayl jilicsanaa waxay qaxeen maalin gelinkeede
Masruufkoodu waatuu qubnaa miiska tuulada’e
Muddana waxay tubnaayeen bankii maradu waabnayde
Middi keliya baa reero idil meerto u ahayde
Milliteriga goortay arkeen calanna noo muuqday
Mahadnaqe sidii ay jannada wada mushaaxeene!