Maansadani waa mid kamida maansooyinka Jacaylka ah ee uu leeyahay Hal-Abuur Ayaanle Maxamed Ismaaciil ( Ayaanle Darwiish )
Gamasyada cadceedoo
Casar liiqa galabtii
Gudub sagal u bixiyoo
Mahiigaan galbeedsaday
Soo rogay gufaaciyo
Dhaxan lala gariiriyo
Laydh guux la'aaneed
Amintaa gudooneey
Inagoo geeraar iyo
Isu marinay gabayada
Sow laabta isma galin
Ma ilaawin gaydhii
Aniguna gankaygii
Heeso kuuma kala gurin
Adiguna garaadkaa
Caashaqii ku gaadhoo
Gobo'laysay ilintii
Gangadiina maad odhan
Gacaliye macaanoow
ii gaar ahoowoo
Gabdhahaa filkaygiyo
Hayla guursan naag kale
Gaasiraay dhankaygana
Anoo hoos u guuxayoo
Gaban uu jacayl galay
Garanaaya caashaqa
Sow kuuma gololayn
Ma gorfaynin cishqiga'oo
Gob sideedna kumaan odhan
Kuu gaar ahaadaye
Gacantaada ii dhiib
ila giiji caashaqa