SILSILADII HALACDHEERE, EE U DHAXAYSAY ABSAME VS HARTI 


Waxaa silsalada ka qayb galay Labo abwaan oo Majeerteen ah, iyo Sadex ogaadeen ah. Majeerteen ma haysan abwaaniin u dhigma kuwa ahy ogaadeen haystaan taasina waxay sababtey in dhulbahante gurmad ugu yimaado si looga caabiyo absame halkaas waxaa soo galay Afar abwaan oo dhulbahante ah yagoo caawinaya majeerteen. Waxaa taas la dhihi karaa dhulbahante waxaa qaadey hartimo.

  1. Cali Sharmaake          Majeerteen

  2. Qamaan Bulxan          Ogaadeen. 

  3. Cali Dhuux Aadan       Dhulbahante

  4. Gooni Cabdi                Majeerteen

  5. Bidhiidh Qamaan        Dhulbahante

  6. Sayid Maxamed          Ogaadeen

  7. Ismaaciil Mire              Dhulbahante  

  8. Faarax Caytame         Ogaadeen

  9. Yuusuf Dheere            Dhulbahante

Dhulbahante (4) Abwaan.           (5) GABAY BAY KU LEEYIHIN

Ogaadeen     (3) Abwaan.            (5)  GABAY BAY KU LEEYIHIN

Majeerteen.   (2) Abwaan.          (2)  GABAY BAY KU LEEYIHIN

GABAYGII (1)

  1. Gobonimo inay hodan tahay, oo horay naloo siiyey

  2. Hanti tiisa isagoon wadanoon, tolkii iga horaynin

  3. Halac Dheere ninkii sanado, hayn jiraan ahaye

Cali Sharmaarke ( Majeerteen, Harti)

GABAYGII (2)

  1. Halkaad cali sharmaarkoow na tidhi waa huf iyo beene

  2. Waxbaan heli karaa baad na tidhi waadna hibataane

  1. Haaraanka iyo faanku waa haayad kala dheere

  2. Isku hilin bal qaad xaajadaa kaa hadoodilane

  1. Gobonimo hadey hodan tahoo horay laguu siiyay

  2. Hoh maxaad utidhi wiil marti ah hilib intaad siiyay?

  1. Harag timira, heeshiga Bariis bur iyo haashaarka

  2. Xedhyahan hadoodilan barnida lagu hagoogaayo

  1. Hasha gowraceediyo ritiga kuruska hayn waayay

  2. Hab ku-dhacay iyo gabadh aan heegii laga goynin

  1. Haasaawe dheero waliba hibasho waayeel leh

  2. Lixaadaan hanbiyo sheeg laheyn hor alle mooyaane

  3. iyo dadabta hooska leh anaba gelinay haybtiine

  1. Majeerteen hab nugulaa nin maray hadalkii muu daayo

  2. Harti waxaan ku nacay ruux miday higis dhan moodaane

  1. Idinkaa hayeeysnimada qoray halac ogaadeene

  2. Eeeggan ma hiif la,a sidaad harag usaarteene

  3. Waryaa nala horeeyaaydu soo hadal afwaa ma,ahooy?

Qamaan Bulxan Yuusuf (Ogaadeen, Absame)

GABAYGII (3)

  1. Inkastoo Baruur La Harqiyo Halaba Loo Geeyo 

  2. Inkastoo Hal Looqalo Hilbana Halakan Loo Keeno

  3. Marna Ninan Habun Goyn Ahyn Lala Heshin Waaye

 

  1. Hambo Laguma Doodine Haddu Uinku Wada Hiifo

  2. Wuu Hadal Layahay Seedigay Laguma Hiifene

  3. Hayeesh Lama Qoreen Halac Sidi Haawis Oo Kale

 

  1. Idinka Hadhuudh Bixin Jiray Bur Iyo Hashaare

  2. Bariis Heeshi Lagu Daadiyo Heeda Ka Casaday

  3. Hilbo Siiye Hamana U Shubee Halab Karuurkeede

  4. Habenki Iyo Subax Badiba Waa U Hagar La'aayeene

  5. Inkastuu Hirqaado Waa Ninan Lala Heshinayne

 

  1. Majeerteen Hab Loodaa Xarago Hori Baa U Tagaye

  2. Ogaaden Baa Waa Hiifaya Had Iyo Goortaase

 

  1. Hagagaba Aan Daynee Qamaan, Hor Alla Ruuxaaga

  2. Halac Oo Hir Dheer La Eg Hadduu, Hogob Kasoo Muuqdo

  3. Idinkoo La Hayb Ahiba Waad, Wada Habaartaane

  4. Harti Maxaad Ku Geli Eebbahay, Horror Hadduu Keenay

Cali Dhuux Aadan (Dhulbahante, Harti)

GABAYGII (4)

  1. Qarsan waa Ogaadeen halkii qooqa loo yiree

  2. Qarfa kulul rag soo maray haddii idin qaraabeeysto

  3. Qaaranka sooryada haddii la isku qaar-daayo

  4. Qabay caano laga buuxiyo qado ma keentaanee

  5. Qurfi qooro lagu soo rido qaac ka ololaayoo

  6. Geed qaar ka dhowrsoon intii qoyska loo galoo,

  7. Maxaa kaga qoslisaan martida waaba qadisaanee

  8. Qabuubyada bariis qaabi lagu iibshay

  9. Xeryaha qamaamadan baa qaarka hore saaran

  10. Qado malab qaafiri xalwa qarar karuur geela

  11.  intaas quraac loo baxshaa la isma qaameeyoo

  12. Qolqoladda haddii ay martidu, qab iska soo siiso

  13. Qoladiina Reer Faarax yaan, qadow ka foofayne

  14. Qabey caano geel lagu lisiyo, qado ma haysaane

  15. Ma dad baydun qali xoolo, waad ka qatanaydeene

Gooni Cabdi Xaaji (Majeerteen, Harti)

GABAYGII (5)

  1. Guraasoow haweestaye hadaad naga hagaageyso

  2. Hawo lalama jiife hadaad hilayga awr saarto

  3. Ood faraska heensaha hudoon heeda kaga yeesho

  1. Ood horay usii mari wadadu waa had qaro weyne

  2. Halaqa iyo gaajada hadaad hoyoto ood dhaafto

  3. Majeerteenku waa hod-dan-yahee hal iga gaadhsiiya

  1. Hido Boqor ma sheegine kuwaa midigta haaneeda

  2. Hadhuub inuu ka raaco kuwaan horayba eedoownay

  3. Hogta godan biyuhu waw hadhaan horinta reer yuusuf

  1. War maansadu huq bay tari asaan lagu heshiin doonin

  2. Halaagii ka dhaca labada reer ee hurgumo reebi

  3. Inaanan hortii horre laheyn una hogaan jiidin

  4. Bal ogaada waatad hartoow hiil kurtaa tahaye

  1. Afartaa higaadshaye miyaan kala haboowsiiyay

  2. H'da ma ugu dhigay sheekh sidii hagabsi waa ceebe

  3. Ma hawadiyay waayahakan waa igu higaag-naaye

  4. Sida gooni haar lama jafee hilin cad ma ujeexay

  1. Halna waxaan ka idhi dhalashaduu hanane ceeb faanay

  2. Hiraab iyo hawiye iyo intii hilib islaameed ah

  3. Habow kama tegana wiil intuu ka odhan geede

  4. Hiddo xumo Bah yacquub nin ogi hayb ma faaqido'e

  1. Hareer waxaa iga xiga saahidooy hiladii buuxdaaye

  2. Dubbad Hiirad heel laguma ridin hanadkii dhuubnaaye

  3. Cilmi raage iyo Yuusuf baa hoos dhig ii maqane

  4. Xasan iyo cabdina waa ila hayb hadise meysaane

  1. Sheywaalna horintii laheyd hadalkii loo sheegye

  2. Intaas oo hogaa iga ag qodan amase haadaane

  3. Oo lagu hor-dhigi maalintii hilibku jiitooye

  1. Halna waxaan ka idhi waa anfaco tuu hunguri sheegay

  2. Hadaan heegno goolweyn asaan neef dhan uhagaajo

  3. waxaanu anigu hoo idhi amase bilo dhan loo haarto

  1. Hunguraad cuntaan abidna aan laga hamuun-goynin

  2. Hambo intaad ka sugi eebahay hodankii weyaane

  3. Hilbo-duuf ah noogama duwana harag ugaadheede

  4. Idinkaa uhardamayee, Anfaco malaha howshaase

  5. War maad heybsataan waxaad dhigteen dirirtii haar-weyne

Qamaan Bulxan (Ogaadeen, Absame)

GABAYGII (6)

  1. Caliyow hagaagtaye haddaad hilinka dheer qaado

  2. Hawdka aad maraysiyo cidladu waa Inala heshiise

  3. Jidku waa habeebe haddaad hurisada dhaafto

  4. Ogaadeen hundood iyo haddaad haro digeed gaadho

  1. Hadii lagu hor Maro oo ardaa heelan lagu geeyo

  2. Wadkaagi horteed sooryo waa ku hor tiraahdaahe

  3. Halab caanaheediyo hadii hilib laguu keeno

  4. Hab wanaagsan yeel dheefta waa laga hanbeeyaaye

  5. Ama halac ku dayo waa wixii hoday ogaadeene. 

Bidhiidh Qamaan (Dhulbahante, Harti)

GABAYGII (7)

  1. Axmadoow gob waa hadimodeed hadalka qaarkiise

  2. Hogog galinta haasawahaad na hoojiseen gooxa

  3. Hooy baaban leeyahay aroos ku haban taagiise

  4. Isagaba hiraab iyo durduro hadhimoba waa tiile

  5. Hadhuudh waa diyaariyo goolalal waana la hubaaye

  6. Caanahaa haleeladu ka badan Haro shilaaboode

  7. Hadaayaba wax way isiin laheyd hagar laadeydiiye

  8. Nin hal gaaban oo hir dhow baad igu hadeysaaye

  9. Marse hadaanan howraarsan iyo Haa ku odhaneynin

  10. Maxaad dacalka ii haysataa waa habeen dumaye

  11. Ninkii Haybad lihi maanso waa hoga-hogeeyaaye

  12. Meeshuu Halmaan kaga jiruu hanad ka tiirshaaye

  13. Afartaa H’dii lagu balamay Hoow makaga siiyay

  14. Hambalaalaq deelqaaf leh waan kala hawoodaaye

  15. Hartii Qamaan sheegay iyo Habo-waa ma udiiday

  16. Sidaa Hayaa hooshyada Ma waan kala habowsiiyay

  17. Hogsaarkeeda la iskuma bashee haybad ma uyeelay

  18. Halna waxaan ka idhi anigiyo heerinimadeyda

  19. Runba inuu hadalku kaa yihiyo i holineysaaba

  20. Hog hakuugu soo dhaco hadaad ku hindisooneyso

  21. Haweenkiyo Ogaadeenba waa hooska galabeeda

  22. Meeshii habeen ugu dumeey habash yidhaahdaane

  23. Noo hooyo anoo reer iska leh waa hanaan xumoe

  24. Habkaad yeel ileedahay hadaan kugu hogaan raaco

  25. Haaweey kun liitiyo dhabayac horlaan noqone

  26. Waa la igu wada hoobaleyn heesta dhaantodae

  27. Haweenkiyo caruurtaa ii odhan haatuf baa yimide

  28. Hareeraha intii la iga galo yaa haan la ii xidhane

  29. Dabadeedna waa la ihoreyn halac sidiisiiye

  30. Ninkii Haybad lihi maanso waa hoga-hogeeyaaye

  31. Meeshuu Halmaan kaga jiruu hanad ka tiirshaaye

  32. Afartaa Hdii lagu balamay Hoow makaga siiyay

  33. Hambalaalaq deelqaaf leh waan kala hawoodaaye

  34. Haartii Qamaan sheegay iyo Habo-waa ma udiiday

  35. Sidaa Hayda hooshyada Ma waan kala habowsiiyay

  36. Hogsaarkeeda la iskuma bashee haybad ma uyeelay

  37. Hobyiyo sidii loogu kacay Hilamadii Ceelcad

  38. Hohay waakan haaraan rag baa Hiifwadiin jaraye

  39. Wakaa hayeeysnimada Qoran halaskii beelood

  40. Idinkaaba waxbaba hoos udayin oo hodnaan jiraye

  41. Ana Halyey dabin kakude oo Hartaan ahaye 

  42. Hareer baan uga lexanaa hilaan banaanayne

  43. War La'eed halihii hunle iyo hooska bixinteeda

Cali Dhuux Aadan (Dhulbahante, Harti)

GABAYGII (8)

  1. Hunguriga Subeer wuxuu ka ridi, hogobyo shaydaane

  2. Mar haddaanu heeg dheer lahayn, ama hoggaan ceeja

  3. Wax hubaala waa inuu ka iman, Haradii Ciideede

  4. Hawiyiyo daraaroodba waa hayb ka gooniye

  5. Waa waxaan habaaroo Illaah, heeray boqontiiye

  6. Bal maxaa, hobyo u dhiga arligu kala hoyad roone

  7. Hartigaba wax badan baa ku nool, hilib ugaadheede

  8. Koluu Hiiradoo kale noqdoo, ibilka haaneedo

  9. Huwan muu u kaco kuma qadeen, hodon-qabeenkii

  10. Nin hamuunta kaa bi’in karaa, lagu haddoomaaye

  11. Mar hadduu hadaadumo xarrago, haybaddeed ma lehe

  12. Ma way sooryadii heli karaan, ma hagranaayoo

  13. Hanbo kaa sugaa ama hoheey, kugu haguugaaba

  14. Hanti nimaaan lahayn looma tago, holaca jiilaale

  15. Haaweydan aan dhacay maxaa, haatufka u geeyey

  16. Daraawiish hinfiri nimay wax badan, hanatay reerkiisa

  17. Waxay la hanfariireenba waa, huubo dooro lehe

  18. Haadaa-qabiil nimaan ahayn, hibo miyuu dhiibi!

  19. Nimaan lays hortaagenin waa lagu habsoobaaye

  20. Hargawaaxiddii baan ku dilay, tuugga haysha lehe

  21. Hangadhkii rasaasta wadnuhu, la holcanayoo

  22. Iyaguba halaaggaan badeey, la hundhudhaayaane

  23. War Guutooyinkii loo humeey, hadafkii raaceene

  24. Ma waydin karaayan anfaco heliba mayaan

  25. Qamaanow hiddaha meel sanbaa, lagu hagaajaaye

  26. Hadku waa hadkii idin khatalay, Haro Digeedkiiye

  27. Hannaankiina nimankii yiqiin, waydinkii huraye

  28. Haddaad diinta soo haybisaan, kuma hungowdeene

  29. Haadaan waxaa idinku guray, habaskii gaabnaaye

  30. Hadalka Keenadiid buu maqlaye, haayad kale mooge

  31. Haddeer iyo haddeer gool qallaa ama, halabba keenaaba

  32. Haamaan idiin shubi lahaa, halab karuurkeede

  33. Haleelooyinkaa idinku filan, hoota-nuugta ahe

  34. Hanaa idiin haleen sidii hoodihii bariye

  35. Hareerihiina waan dhigi waxaad, ku himbilyootaane

  36. Intaad higis dhan soo qaadataan, Halacna soo raacsha

Sayid Maxamed Cabdille Xasan (Ogaadeen, Absame)

GABAYGII (9)

  1. Inkastood Xarago Heybadeed ula habeen roorto

  2. Inkastoo Hilbiyo Caano Geel laga hiraabsiiyo

  3. Waa niman hadii loo hagrado hodanka ceeydheyne

  4. Waa wada hangool jiidan oon halina deeqeyne

  5. Hal haduu ku hadho xeradeey daba humbaaleeyne

  6. Hadhuub-galka caadkaa ku naban waw hundhudhayaane

  7. Hiinhiinsiga iyo feenka haanta murudkeeda

  8. Heemaarka iyo weelka oo dhan gacan ku heyntiisa

  9. Mar hadeeyna huraheyn habluhu way ka haajiriye

  10. Ka hagaaje naaguhu waxeey howl ku galeyeene

  11. Hungo waxa wax ku dhici waa guskii Hogorka weynaaye

Ismaaciil Mirre (Dhulbahante, Harti)

GABAYGII (10)

  1. Habeen sooryo naag hadashay waa had iyo laayaane

  2. Nimankii i haybsaday waa kuwaa qiraya haybkiiye

  3. Hungurigaa xilka-lihu waa wixii bah habar-yacquube

  4. Iyagaa inteey hoo baxshaan heesi daba-tiile

  5. Oo ku hilbo qeybsada waxey hor alla geystaane

  6. Halmaan ina sharmaarkuu ka yimid laguna hiifaaye

  7. Heelada dhexdeediyo guryaha lagaga haasoowye

  8. Naahooy nin lagu soo hirtaan ahaye heelan baan ahaye

  9. Hadalkeyga waa laga hayaa haroda-ciideede

  10. Hawdkaa la marayaan ahoo, hagari waa ceebe

  11. Ma huluulan karo Buul anooy timuhu heermeene

  12. Waxaan heli waxaan haaban karo haatan waxaan heysto

  13. Hiyageygu wuxuu doonayaa inuu hibeeyaaye

  14. naa ma adaa harti ah soorta maad hadal la,aan keentid?

Qamaan Bulxan Yuusuf (Ogaadeen, Absame)

GABAYGII (11)

  1. Maansada rag badan baa yaqaan, maritinkeediiye

  2. Maqtalkaa la kala joojiyaa, mid iyo caynkeede

  3. Adigoon u meel dayin inaad, madal ka soo heesto

  4. Muran uun inaad keen tidhaa, mahabbanayn saase

  5. Allay lehe Majeerteen sidaad tahay, ma moodayne

  6. Waxaad aragga kaga miil caddayd, maqalladaadiiye

  7. Miskiin gudub la wayn baad tihiin, waana loo marage

  8. Maxamuud Saleebaan markaad, qaylo dheer marisay

  9. Halac waxeeydun moodeena waa idinka muuqdaane

  10. Bal Maxaad Anfacadii Xisaab ugu mashaawiirtay

  11. Madhiyaana xeedhada maxaad uga muraad yeelan?

  12. Hadii muusanoowgii Ilmadu marada kaa qooysay

  13. Ma Maal baa lagaa dhacay lag iyo, kun iyo maahiir ah?

  14. Ma magan baa lagaa qaaday iyo, midaad ku ceebawday?

  15. Magac miyaa lagaa laayey, iyo mudanaha duula

  16. Ma waxaad martida siisay baad, lacag ka miisaantay?

  17. Maxaa kaa maqnaa ood qalbiga, uga madoobaatay?

  18. Awalbuu malkada seegayooy, marin habawsheene

  19. Sayid Maxamed iyo Caamir muu, socotodood maago

  20. Iyagaan mitimiyeen anfaco, amase maalkiiye

  21. Bal maxuu Hartiga maanka fudud, uga masaafooday?

  22. Murtideydii Taa kaga hadhaye mid aan idiin sheego

  23. Cirka mawjaddiisii haddaad, meelo ka xisaabto

  24. Xageebaa dawaarku u maraa, falagga meeraaya?

  25. Madhadii xaggeebay tahoo, ma aad taqaaniin dheh

  26. Ayaanta iyo manaasiisha iyo, magac siyaariinta

  27. Midba siday mid ugu waafaqaan, ma'a taqaaniin dheh?

  28. Ma ekayne saacaduhu ways, daba maraayaane

  29. Meelaha dharaartii badnaa, ma'a taqaaniin dheh?

  30. Midkee curad ah meecaadda iyo, godanta meegaaran?

  31. Kobta qaalibkeedii ka maro, maalintii Axada

  32. Masaal gaab haddaydaan ahayn, ma aad taqaaniin dheh?

  33. Mushtarkii mariikhii haduu, meelo ka khilaafo

  34. Macnahay tarbiica u noqdeen, ma'a taqaaniin dheh?

  35. Maalin arbacodiiyo cuduro muqaabilo ah

  36. Meeshay Aljaws ka marmaan, ma aad taqaaniin dheh?

  37. Cisho qudha dayaxu waa maraa, naas madoobaha e

  38. Suxalkuna marxaladooyin buu, bilo dhex maaxaaye

  39. Orodkoodu waana isku midee, ma aad taqaaniin dheh?

  40. Marwaa iyo Arlada kii Badnaa Ma Aad Taqaaniin dheh?

  41. Miradiyo Mishaar waa midkee Magac-Dhowgaa yeedhi?

  42. Midba Xaajadaa loo qabsado ma aad taqaaniin dheh?

  43. Biyaan wayso kuu maydhihayn, dharabsi mooyaane

  44. Manfacadana kuu karinayoo, lagama maarmaan ah

  45. Gabagabana markaa kaa ansixi, ma aad taqaaniin dheh?

  46. Nin Muslim ah asaan naagihii, meher u haynaynin

  47. Bal waxa mashaqadaa lahaa, ma'a taqaaniin dheh?

  48. Nin Maroodi raadsaday hadduu, gabas mariideeyo

  49. Mudutuusha waxuu fiiriyoo, malamaleeyaaba

  50. Muuqiisa goortuu arkoo, gadafka soo mooday

  51. Wax marxal ah meel fog iska taag, orodna maanshawye

  52. Bad nin mukhuuray Mool inuu geliyo maligii weeyaane

  53. Magli caaraddii lama maro, iyo miciyihii Aare

  54. Abidkay nimaan moogtannaa, ima majiirayne

  55. Miisaanna ima saari karo, nin i maleeyaaye

  56. Haddaydaan masaladaa furayn, maansadaan tiriyey

  57. I maqlaay fagaaraha muxuu, uga madiixaayey?

Faarax Caytame (Ogaadeen, Absame)

Gabaygii (12)

  1. Maansadu milgay leedahay iyo marino waayeele

  2. Shir mawiya Ninkii maahiraa madal la geeyaaye

  3. Ogaadeen madiixaa maqal meheraadiiye 

  4. Maxamuud saleeban afka Marisay waa yaabkeede.

  5. Haday Mad iyo caynkeed tahay ad Muramo sheegayso.

  6. Waxa Mariga mara macanaha faarxow kii Maraba leh.

  7. Miyirka wax laga fiiriyaa moogi saa tahaye.

  8. Adigay maroor kaa gashaye seegay marin kiiye.

  9. Majeerten Markhaatigu sidaa maqashay weeyaane.

  10. Waa niman maqawiira iyo madaxdii daaroode.

  11. Waa niman martabadii haya iyo Mayraxdii boqore.

  12. Munbay maalka laga keenayo iyo mowsinka u taga.

  13. Waa niman mas muuxa u jabay iyo dahabkii miikoole.

  14. Maraakiibta miiriga sida iyo miirarka u galaye.

  15. Macdan baa la dhigay daaraha muuqa sare dheere.

  16. Idinkay maluul idinku tahay gudubna waa maale

  17. Xagiinaa maraykan hablaha lagu mariimaaye 

  18. Idinkaa marqaafiga huwada ama maqaar geele

  19. Maqaankiyo maryaha farqsan iyo macawisaha laaban

  20. Micmaamado makaawiya xariir lagu muraaqoodo

  21. Anagaa mardaadiga huwan mid aan ku weydiiyo

  22. Marti habeen idiin soo gashoo wax idin soo mooday

  23. Idinkow mushaawira intaa midho ku soortaane

  24. War Siyid maxamed kaad maqashay sow mukhawigii ma aha

  25. Sow kii meeshu fadhiyey mahadineen sow ma ah

  26. Manjo gooye sowtii talkaa miida jaray ma aha

  27. Mashaa’iikhada soo kii magliga mudi ogaa ma aha 

  28. Macluusha naagihii u lumay maatadii li’atay

  29. baxsharkii horteed sow kii kuntur maaho tiray ma ah

  30. Mowliidka nimakiii ka tagay meheradii diinta

  31. Kolna idingiyo halac oo mugdiga idinma muuneenayne

  32. Mudahanada malag baa daqsada mudan lahaydeene

  33. Munaakada beenta ah maxaad ugu musaafooteen

  34. Halac waxaydin moodeenba waan idin muhiibsiine 

  35. Isaguba musjeex buu ahaa muuga kaligiise

  36. Ibliis baa malaha kugu mal dahan mooga haatane

  37. Bismilaahi maxalkii maxaa magane kuu geeyey 

  38. Miskiin yaa ah hadal miiqan baad malasha keentaane

  39. Hilbo gool magool rahaan miida ka hiraabshay

  40. Maan dhareeridan ugu daray iyo meeriqiyo dheega

  41. Manfac wixi aan moodaba hadaan idin muhiibsiiyo

  42. Meriga sexeerada waxaan ugu muraad yeelan 

  43. Masaakiinta noo hawgashiyo maadaa cuna

  44. Odayheed macaan lagama karo mid qudhaaro leh e

  45. Calooshii mugeed laga badshaa mawdka wa u halise

  46. Goortuu mayibay muhidada qaar u meel dhigaye

  47. Sow halac mustii dhexe saqdii kii mantagay ma aha

  48. Muraad kama lahayn xeryihii maydhashadoodiiye

  49. Wuxuu mustii dhigay ee arlada godashii maarowdey

  50. Maxaan muusanaaba hadaan wali ku maadeestay 

  51. Mudac iyo mudaclay hadaynu isku maagayno

  52. Oo aad mustaqarteen gartaan maragba loo haynin

  53. Sixnigaad faraha marin jirteen waa muraad qumaye

  54. Ma midiidin baad tahay maxad u mugsateen weelka

  55. Maqsadkeeda weesada biyahaad mariso jiirkaaga 

  56. Isticmaalid mooyee wax kale kuuma marayaane

  57. Ogaadeen masaladaas ma oga maalik soo rogaye

  58. Inay maayo duruustahay gabgabo magane maan sheego 

  59. Meel maran majnuunbad iyo baras cuduro mawjuuda 

  60. Shan haboodo kamida ayaan haween meher ku hayneyne

  61. Iyadey mashaqadeed tahye magane maan sheego

  62. Maa iyo arladuba waa matale maahiyaa badane

  63. Madadaalashaad ugu dartaye Waa macruuf tanuye 

  64. Inay xaajo kaa murugsan tahay magane maan sheego

Yuusuf Dheere (Dhulbahante, Harti)

DHAMAAN